【清酒學堂】清酒的最佳享用溫度

想知道某款清酒應該凍飲定熱飲，咁你就要知道溫度改變對清酒香氣同風味既變化有咩影響。下面會幫大家歸納一啲例子，方便大家！

日本清酒的適飲溫度

酒類繁多，飲用溫度對於每款酒都十分重要，一般來說白酒8-12度，紅酒16-18度最為適合。咁sake又係幾度？好多朋友都會答我「係咪凍飲呀」，咁答無錯，但係又唔係完全正確。因為相比起其他類型既酒，清酒最為特別，係飲用溫度範圍最廣闊既酒，唔同既清酒有唔同既適飲溫度，由5度到有55度都有，日本人甚至每5度有專有名稱，可見其對於飲用溫度精準既重視。

想知道某款清酒應該凍飲定熱飲，咁你就要知道溫度改變既時候，對清酒香氣同風味既變化有咩影響。加熱之後既清酒會比較甜同唔苦，旨味會增加，酒精感較為強烈。根據住呢幾個變化，下面會幫大家歸納一啲例子，方便大家搵到你手上支酒既適飲溫度。

清爽類型：本釀造

酒質輕快、入口清爽，較冰凍既溫度先至能夠突顯其清爽鮮度，有部分呢類清酒可以加熱到50℃飲用。

推薦清酒：
► 樂器正宗 本釀造 中取り 720ml
味道：入口充滿果香感，甘酸平衡，收結清爽暢快
配搭：配搭油膩食物如天婦羅、打邊爐、串燒等尤其出色

薰香類型： 純米大吟釀、大吟釀等

重點要帶出果香，若果清酒既溫度太過低，香氣會減弱，酸味及苦味變得明顯。所以以10℃既花冷溫度飲用最為合適。

推薦清酒：
► 榮光富士 純米大吟釀
味道：入口有豐富的果味及輕盈而堅實的旨味
配搭：刺身、日式前菜及海鮮料理

► 獺祭 純米大吟釀
味道：帶有迷人的熱帶水果香氣，入口有豐富的米旨味，酒體有著微甜的感覺，且稍為濃厚，後段有回甘的餘韻
配搭：刺身、海鮮

► 梵 純米大吟釀
味道：酒體表現清爽，有豐富果味香氣，入口圓滑，有著蜜桃、哈密瓜一類的味道，尾段有輕快的餘韻，感覺淡麗清爽。
配搭：海鮮

芳醇類型：純米酒、生酛、山廢等

呢類清酒既特徵係旨味同厚身，可用較高既溫度引出旨味。係咁多類酒入面最適合加熱到40-55℃黎飲用。

推薦商品：「純米酒」一覽
推薦商品：「生酛、山廢」清酒一覽

推薦清酒：
► 英勲 大鷹 特別純米酒
味道：米旨味和香氣為主，是一款優質的配餐酒
配搭：打邊爐、燒物

► 久保田 碧壽 純米大吟釀 山廢仕込 720ml
味道：暖飲時哈蜜瓜香氣飽滿，尾韻帶著甘甜的米香
配搭：刺身、串燒、中等口味的日式料理

最後，如果大家唔記得既話，亦可以留意有樽身既酒標，睇吓酒造有無推介既飲用溫度標示。

各位酒蛙既飲家，有機會可以嘗試多啲唔同既飲用溫度，盡情享受清酒帶比你地既樂趣呀。